المعنى

المعنى

1 ÷ 1   فى الحساب له معنى

أما هنا فالكلام بيغـيّر المعنى

إيه يا ترى جمّعنا ؟

لمّنا على بعضنا و جه معنا

هوه الغرام الحامى مفيش غيره اللى جامعنا

طب ياللا غني لنا كام موال و سمعنا

و هات اللى عندك ، نعنشنا و متعنا

أصل الغرام النهارده

والع بيلسعنا

13/3/2012

المعذبون فى الحب

المعذبون فى الحب

حتتين مدوخين البشر : حتة فى الراجل  :

و التانية فى الست:                 

     يقدم لها مهجته مليانة بالهوى و الغرام و الحب

     تبعد و تهجر و تتدلل و تتقل عليه البت

     راح يجرى إيه لو القلوب فى الهوى تتدلع

     و فى الأتون الجميل  تتشوى بنار الحب و توَلّع

     و قلبه فوق قلبها بيدقوا سوا للحب

     "إدينى حبة هوى ، لأ : زيدى ، لأ : أكتر

     دا الحب سر الوجود و بيه الدنيا راح تعمر

     و يملاها زهور م البشر : دا أبيض و دا أسمر

بينا لبحره ، و ننوى الغرق فيه ، و لا نوصل عمرنا للشط "

     و نعوم مع الأمواج و نترك نفسنا ليها بدون مقاومة قط

     دانا عقلى من التفكير فى الحتت المدونة أعلاه ح يشت

                                                                                

                   21/5/2012

المسائل

المسائل

المسألة دخلت فى المسألة و لا حد مهتم أو سائل

لحد اللى دخل ما كب فى المسألة ساخن غليظ سائل

ما يهمكيش هوه كده طبع المسائل

واقف على الباب يقول ارحمى متيم سائل

دا كل قصده التمدد فى المسالك ، و الحبيب طنشه و ماسائل

دى كيميا وچيمناستك كلها تمارين و مسائل

و يدخل عمود فى المسألة مستقيم أو مائل

   بكل الوسائل

و حتى يتجنب مسائل مهوش قدها ،

يلزمه واقى أوحائل

 لتتعقد أموره و تنتفخ بطنها

و ترتفع كتير عن حدها

                                                       

                                                           5/5/2012

المحشى

                        المحشى

                

شرد حبيبى بعيد و قاللى

رايحة أوضب المحشى

فضلت أستناه ساعة ورا ساعة

لكنه ما رجعشى

يا حلوة سيبك م التزمت و افتحى

دا الأنس ساعة 

ما بيدومشى

يللا افتحى بابك للهوى

قالت لى ما يحكمشى

قلت لها أدوق محشيكى

و احدّقك بحتتين طرشى

قالت لى عينيا و فوقهم كمان رمشى

لكنها مشيت و ما سألتشى

يئست من لقياه ، و ركبت أنا جحشى

و شديت اللجام و قلت له : حا ، إمشى

                             

                             

                                     4/5/2012

القمر زعلان

         القمر زعلان

زعلانة ليه يا هلترى

يا وردة بيضا منورة

و شغلتى فكرى بالغياب

و قعدت أسأل إيه جرى

بصيت فى ليلة ع السما

ملايين نجوم متنتورة

ما بين الزهرة و المشترى

سألت نجمة قريّبة

يا نجمة فين راح القمر

أيام وأيام غاب و استتر

قالت دا زعلان م البشر

اللى مهماش مؤمنين

بصداقة مكتوبة بالقدر

17/5/2012

الفعل و الفاعل و المفعول فيه

الفعل والفاعل و المفعول فيه

الأولانى بطبعه منتصب منصوب

و التانى ع العموم مفتوح على مرفوع

ح تقولى لخبطت النحو فين سيبويه

ح اقول لك دا نحو الهنا مسروع

لا يهمه فى النحو إن كان صحيح

و الا مش مشروع

و لا فكره فى المباح ولا الممنوع

هوه دا الفاعل و دا فيه مفعول

و الفعل فين ؟ ما اقدرش عنه أقول

إفهمى انتى بقى يا للى شربتى اللبن

مش واكله جبنة و فول

و الساقى شديد الفعل

يطلع من عملته و يقول

قولة فتى مسطول :

أنا جدع

                                     

5/2/2012

الفراق

الفراق

ما تفتكريش بإنى م الفراق باكى

إن كنت مليتى الهوى ،

الباب يفوت جمل ، و الرب يرعاكى

يومين والفؤاد يبدل هواه و القلب يسلاكى

أو كنت فاكرة السما ما فيهاش سواكى قمر

و لا فيش نجوم إلاكى

أو كنت فاكرة الحريم صنف انقرض ،

ما فاضلشى غيرك للفؤاد يهواكى

دا القلب لو ينظلم ، يغدر و ما أدراكى

يستبدل بنجمة قمر                                                                                                         

يستغنى بحياها عن حياك و محياكى

صحيح طعمكم مختلف

لكن ، مادام دى رغبتك و رضاكى

         

                                                                              

                                                                                             28/5/2012

الهجر ليه ؟

              الهجر ليه ؟

هجرنى حبيبى بظلم و جفا كام يوم

خمسة ، تلاتة ، تمانية مانيش عارف عددهم كام

اليوم يمر بكآبة كإنه سبعة مليون عام

وحشتنى رؤيه قمر فى جمال أجسام

                                                

                                                          7/5/2012 

الطيرة

          الطيرة

قالوا طيرك غدر بك و لاف على طير تانى

قلتلهم وإمتى كان قلبه مايل ليا أوعليا حانى

دى طول عمرها الغدر فى دمها و دايما معاندانى

و حياة حياة الحب لارحل أدور على طيرة

يكون قلبها ليا لوحدى

و ان دار الزمان دورتة

لا تهجر و لا تنسانى

                         

                              26/1/2012

السحر

                                 السحر

قعدت أدور على السحر

 نظرت فى عيون البدر

عيون وسيعة ، عيون غزلان

صرخت من لوعتى :

آه يانى

نزلت ع الخدين : تفاحى و رمانى

الورد غاير منهم ، و الفل و الياسمين

مين اتهبل عليهم ، و مين .. مين .. مين

ملست باديا عليهم ، و صرخت من لوعتى :

آه يانى

و تحت حبة نزلت فوق أجمل شفايف

فراولة و عسل و الحسن ربانى

بتقوللى تعالى خد لك شفطتين

لألأ .. بلاش العض .. أح بلاش منه

تعالى بقى نبدأ من جديد تانى

اقطف و مصمص و خد بوسة و التانية

يرتاح فؤادك و يهدا من الحريق وجدانى

                                

                                        3/5/2012  

الزبيب

        الزبيب

قال لها امص الزبيب فوق الجبال

أنا بالزبيب مغرم

يتهنى قلبى بالغرام و الهوى و ينعم

اتمنعت

رجع من لُقاها متحسر

و و شه فى صفار الكركم

رجع يقول :دا مش زبيب

دا بالكتير حصرم

                        

                              15/5/2012

الخيال

الخيّال

قمر قالت لى تعالى اسعدك و اهنيك   

أسعد فؤادك و أسعد أنا بيك

أنا شايلة قلبى لفارس قدرى و مكتوبى

طلعت انت المراد و خيّالى أتاريك

الخطوط الحمرا

الخطوط الحمرا

دارى جمالك يا قمر

أصل الشيطان شاطر                      

أولها بوسة يا قمر                

أو حضن جبران خاطر

بعديها نوصل يا قمر

إلى مناطق خِطـْرة

و نعدى منها يا قمر

على الخطوط الحمرا

الحقوق

               الحقوق

قالت له واقف كدا ليه يا دسوقى ؟

قال لها مش ماشى لحد ماخد حقوقى

قالت له إيه هيه دى يا ترى ؟ .. قال لها :

نظرة و بوسةو ظبة و حاجة كده

من ذوقك على ذوقى

و تدَوّقينى الهوى أنا ، و تدوقى

و تروقينى يا قمرى الجميل ،

و إنتى كمان ح تروقى

و تطفى نار الفراق و تبردى شوقى

                            و أفوق أنا من كبت المراد المر و تفوقى

 تبللى ريقك بكاس الغرام ، و أبل انا ريقى

الحب و الدفا

الحب و الدفا

البرد حاضن هيكلى

بقى يعنى كل البرد الصقيع

محوشاه و مجمعاه الدنيا لى

العضم من تحت لحمى بينتفض

و بيرتعش

و العش

دافى بالهوى ،

الحب جواه لعوب منتعش

عصفورة و عصفورها

منقاره لازق فى منقارها

تحكيله ع اللى ف قلبها

و يحكيلها

يحكيلها عن حبه ليها

و تغازله و هوه يغازلها

و تهز له ديلها

و تقول إنه حياتها و حبها

من غيره يا ويلها

بينا يا عصفور

نسعى فى دنية ربنا

على رزقنا

و نطير

دا السعى و المجهود

واجب علينا كبير

همّا الأساس فى الحياة

همّا طريق الخير

                                       

15/1/2012