واقف زنهار

واقف زنهار

واقف على باب الحبيب

زنهار و مستنى

لحظة رضا

يا هلترى راح يستجيب

و يفتــّح له أبوابه

قبل ما يحم القضا

واقف وبردان فى عزالهوا

عينه مُنى عينه فى الدفا

أو حبة سخونية

على قد المبتغى و القصد و النية

القمر الجميل اللى انا شايفه

مِستنى رشفة حنينة من فوق شفايفة

أو ضمة من عوده

لا نلت أبدا رشفته

ولا ضمته

و لا شفت حتى كسرته

ولا فتحته

ولا لمسة حنينة فى وش أخدوده

28 نوفمبر 2009

هوه كده

هوه كده

حطت صباعها على جرحى بالقوى وْ داست

أنا قلت آه

ارحمنى يا ألله

جرحى بيوجعنى

قالت لى وإيه يعنى

كل الجروح صعبة مؤلمة بتوجع

و دا جرح الهوى ، ناره ملهلبة بتلسع

فيها القلوب تنسى من الدنيا بلاويها

يسكن حناياها الهوى و الهنا و الشقا فيها

من غير عذاب، السعادة ما لها طعم

الاتنين بيجروا فى العروق سوا فى الدم

إمتى يطيب يا قمر جرحى

و ييجى فى الهوى فرحى

الدنيا فى قلبى اتلخبطت ،

مبقتش عارف مساى من صبحى

فى المسا : فكر و أرق و أنين

و فى الصباح القلب دايب فى شوق و حنين

و اللى بين المسا و ضلامه و بين نور الصباح

السعادة و البهجة و الفرح .. شئ مستحيل

شئ غير مباح .

4 أكتوبر 2009

هللى علينا

هللى علينا

هللى علينا بطلتك

حتى و لو ثانية

ورينا روعة بسمتك

ح تنوربها الدنيا

غيبوبة

غيبوبة

نحلة عسل فوق شفايفك

مصت رحيقها

رجعت مصابة بالهبل

سكرانة مش عارفة طريقها

مشيت توزع فى العسل

مخلوط بورد و باللبن

و أخدت لحسة أسكرتنى

ضربتنى غيبوبة ف طريقها

8 ديسمبر 2009

نجوم فى السما

نجوم فى السما

( فى مناسبة اجتماع أعضاء المنتدى يوم الجمعة 4 ديسمبر2009)

بدرة نجوم نورت فى سما المنتدى

اللى تايه فى الضلام بنورهم نظر و اهتدى

بالفن و العلم و الإيمان و الفكر و التاريخ

دا عالم و دا شاعر

، وفى شئون الدين ، دا سيدنا الشيخ

دا حسن شاعر رومانسى متين

ح تلاقى زيه فين

شيف معتبر: شعرو أدب و طبيخ

الشعر و الأدب بيتجلى بلا إسفاف و لا تلبيخ

أنا جاى أعيد و لمة الأحباب دى أجمل عيد

يجمع حبايبنا كلهم : من قريّب أو بعيد

فى ليلة من ليالى العمر زانتها النجوم الزاهرة

تحلف بها على مر الزمان محروستنا القاهرة

واحنا فى اجتماعنا بيجمعنا جمال القلب

تحمينا و تصوننا كلنا رعاية الرب

تجمعنا الأخوة الصادقة و يزيد صفاء القرب

دايما تلاقى القلوب الصافية منورة بالإيمان و الحب

يا رب تجعل جمعنا دايما ع الإيمان و الخير

و تزيدنا يا ربنا من نعيمك و تحمينا من عيون الغير

و فى اجتماعنا اللى جاى تحقق للكل.. كل آماله

و توسع لهم فى رزقهم و تبارك للجميع فى أهله و عياله

معاهدة

معاهدة

لما واحد بيحب واحدة

مش يبقى فيه بينهم معاهدة

تدى له رقة يديها حب

تدى له كرشة يديها قلب

موضوع مصالح

هيه تخاصم هوه يصالح

و تقول له و الله ما نتاشى فالح

لكن النهاية ح تكون فريدة

عشوة لذيذة و ليلة سعيدة

و تبات نبات

صبيان بنات

22 نوفمبر 2009

مع نجمة

مع نجمة

يا نجمة سارحة فى ا لسما

: عندى سؤال إنما

جاوبى عليه من غير زعل

واجع نفوخى

شغال عليه من غير ملل

بيشبهوا بيكى الصبايا ، و انتى نار ملكيشى نور

قلنا القمر .. ماشى الكلام

، أصله ضيا ، كله جمال

سحر و دلال

.. طلعة و بها وْ حضور

يمكن عشان الحب نار ؟

طب مين دا اللى غاوى يتحرق

: إن كان مُصِر على الغرام

. و الحب ، يللا .. يتفلق

الحب ليه كله عذاب

و الأمل فيه كذب و سراب ؟

و كمان ملهلب ؟

: و الحبيب اللى بيوعد

يحلف و يخلف

ويروح ما يرجع

من إلفه يهرب

وساعات بيُصْدق و كتير بيكذب

: و برغم ده

كله يقول : ماشى ، نحب

و ندوق من الحب الحلاوة

حتى و نتحمل مرارته

يللا نتدفى بحرارته

حتى لو فيه أى كرب

تشفى الفؤاد رقته

تشوى القلوب حرقته

: و يصدقوا الست اللى قالت

أهو من دا و دا

الحب كده

25 يونيو 2009