يا ولدى
إلى شباب مصر
ليه القساوة دى
و انت لحمك و دمك
نبتة من طين البلد دى
بلدك و بلدى
مصر اللى كرمها ربنا فى توراته
و عظـّم قدرها ف إنجيله ، و فى قرآنه
عايشه بستره و رحمته ، و فى ظلال العرش و أمانه
مصر اللى أوت يوسف و يعقوب و كل أسباطه
مصر اللى شعبها ليوم القيامة ، صابر على رباطه
ِسيْدنا الخليل زارها و خد منـِّـها هاجر
أم العرب و جدة ِسيْدك النبى الحاشر
وطـِّى على ترابها و بوسه و قول له أنا غلطان
دا مسك غالى و عنبر ، والتبرطاهر زعفران
اطلب من المولى السماح و العفو و الغفران
خليك لها درع الأمان يحميها من غدرة الأزمان
و خد أخوك المواطن مصرى بالحب و الود و الأحضان
12 يناير 2011
No comments:
Post a Comment