خواطر كلب
قعدت مرة أنا مع كلب
فتحت له قلبى و فتح لى هوّه القلب
شكا لى قسوة بنى آدم و ظلمهم للصنف
مش مظلمة واحدة ، دول يطلعوا كام ألف
دار الحواربالود ما بيننــا
ْ بعد ما أنَ له كام أنــة
َهوْ .. هو .. هو .. هو
محسوبكو سِيد الكلاب – ركس – اللى واكل الجو
لو بسى واحد حرامى نظر لكم بعنيه
. راح اجيب لكم أجله ، فى لحظته و التو
كلب بأمانته البشر يضربوا الأمثال
لا فيه نميمة و لا غيبة و لاعندى قلنا و قال
كل الخلايق يحبونى و حبهم فى قلبى
.و لا حد فيهم أزعله ، و علاقتى عال العال
اللى غايظنى إن تقديرى عندهم فى القلب
لكن يشتموا أى سافل و يقولوا له : انت البعيد كلب
فين الحب و التقدير و الشهادة بالأمانة ؟
. دانتو أحكامكم يا بنى آدم : أمر مر و صعب
يقولولى ودى نن عين أمه المدرسة
والست تؤمر : اشترى لى كيلو قوطة كويسة
و تحط لى سلة ف رقبتى .. أنطلق
. اتفضلى طلبك يا ستى الريسة
ياركس يابن الكلاب
، ننوس بيلعب فى الطريق
إنزل معاه واحرسه
وان كان بيلعب لوحده .. من غير رفيق
إلعب معاه ، ونّســه
فى الأكل يتلموا ع الطعام ، سفرة عظيمة معمرة
فيها المحاشى و المسبك و فراخ و لحمة محمرة
اقعد و ابص لهم بعين ، فيها مذلة وانكسار
و لا يسألوا عنى بهبرة ، إلا بعضمة ما تشبع حدا
العضم حتى مصمصوه ، ما سابوشى عضمة ملبسة
.و يقولوا خد لك عضمتين ، حيكونوا لك همه الغدا
يملوا الليالى فى منامهم بالشخير
و العبد واقف ع البيبان زى الغفير
البرد ينهش فى البدن و لا فيشى رحمة
.أكمش فى جلدى و الفؤاد زعلان كسير
فين هيه ديه الإنسانية ؟
و الرحمة فينها يا بشر ؟
:داحنا الكلاب فى مجتمعنا
.الرحمة فوق و الإنسانية
مصطفى سلام
يونية 2006
قعدت مرة أنا مع كلب
فتحت له قلبى و فتح لى هوّه القلب
شكا لى قسوة بنى آدم و ظلمهم للصنف
مش مظلمة واحدة ، دول يطلعوا كام ألف
دار الحواربالود ما بيننــا
ْ بعد ما أنَ له كام أنــة
َهوْ .. هو .. هو .. هو
محسوبكو سِيد الكلاب – ركس – اللى واكل الجو
لو بسى واحد حرامى نظر لكم بعنيه
. راح اجيب لكم أجله ، فى لحظته و التو
كلب بأمانته البشر يضربوا الأمثال
لا فيه نميمة و لا غيبة و لاعندى قلنا و قال
كل الخلايق يحبونى و حبهم فى قلبى
.و لا حد فيهم أزعله ، و علاقتى عال العال
اللى غايظنى إن تقديرى عندهم فى القلب
لكن يشتموا أى سافل و يقولوا له : انت البعيد كلب
فين الحب و التقدير و الشهادة بالأمانة ؟
. دانتو أحكامكم يا بنى آدم : أمر مر و صعب
يقولولى ودى نن عين أمه المدرسة
والست تؤمر : اشترى لى كيلو قوطة كويسة
و تحط لى سلة ف رقبتى .. أنطلق
. اتفضلى طلبك يا ستى الريسة
ياركس يابن الكلاب
، ننوس بيلعب فى الطريق
إنزل معاه واحرسه
وان كان بيلعب لوحده .. من غير رفيق
إلعب معاه ، ونّســه
فى الأكل يتلموا ع الطعام ، سفرة عظيمة معمرة
فيها المحاشى و المسبك و فراخ و لحمة محمرة
اقعد و ابص لهم بعين ، فيها مذلة وانكسار
و لا يسألوا عنى بهبرة ، إلا بعضمة ما تشبع حدا
العضم حتى مصمصوه ، ما سابوشى عضمة ملبسة
.و يقولوا خد لك عضمتين ، حيكونوا لك همه الغدا
يملوا الليالى فى منامهم بالشخير
و العبد واقف ع البيبان زى الغفير
البرد ينهش فى البدن و لا فيشى رحمة
.أكمش فى جلدى و الفؤاد زعلان كسير
فين هيه ديه الإنسانية ؟
و الرحمة فينها يا بشر ؟
:داحنا الكلاب فى مجتمعنا
.الرحمة فوق و الإنسانية
مصطفى سلام
يونية 2006
No comments:
Post a Comment