!!أعمل إيه ؟
مش عارف أعمل إيه فى الدنيا اللى أنا فيها
أعيشها زى ما هيّـه و الا أجافيها
إن كنت أجافى تبان لى مفاتنها
.و ان ملت ليها تظهر بلاويها
لذيذه هيّـه و طعمة بدون فلسفة
لا تقول أرسطو قال و لا إخوان الصفا
تعقيدنا فيها خللا الجمال اختفى
.عيشها كده .. تلقى الحنان و الدفا
أسعد ما فيها كان أبونا اللى عاش فى الغابة
تفرقشى معاه إن كان هاتور أو بابه
ثمرة تقع له يلتهمها و يشكر
.و الشرب ميّـة ترميها له سحابة
مبقولشى نحيا زى ما عاش جدك
الدنيا دى ما تعيشّى فيها لوحدك
بس البساطة تبقى لك دستور
.إسعى إليها و ركز عليها جهدك
No comments:
Post a Comment