ثورة العرب

ثورة العرب

سوريا و ليبيا و اليمن

و جراح فى كل قلوبنا نازفة بغزارة بتشلب دمن ( دما ًَ)

و شعوب بتدفع للكرامة التمن

حرية مدفوعة مهورها من دمانا مقدمن (مقدما)

أرواح رجال ، ستات ، كلهم شهدا

حلفوا ما يبرد دمهم أبدا و لا يهدا

إلا ن سقط من ع الكراسى من قعد حتى العفن

ماشيين على جثث الضحايا ، ف دمهم بيلغوصوا

مجانين كراسيهم أهم من الوطن

وكإن ربك ما خلقها غير لهم :

قاعدين عليها بيرقصوا

واحدة و نص :

الله و إحنا ما حد غيرنا ، الكرسى لينا احنا و بس

شاب° - و هُمّه بالغلاسة على الكرسى – الزمن

عضمة و عاضين عليها بالنواخذ .

خايفين عليها م الهروب

هوه دا زمن الندالة ، زمن المجانين العجيب

فى العبقرية ما اتخلقشى زيهم بين الشعوب ،

بين الأمم ..

لا فى باريس أو فى لندن أو حتى فى أرض الهرم

هوهّ دا زمن مَن كفر ، خاين لشعبه .

مش مسامحك يا زمن

قاعد و باستنى رحيلهم –

شِـبْت و العضم أنا منى وهن .

3 مايو 2011