آه يا قلبى
آآآه يا قلبى
واجعنى و دقاته مهش عاجبانى
أصل الحبيبة معكننة
و البسمة على وشها واحشانى
امتى يا مصر الوجع ينتهى
و ترجع ليالى الأنس من تانى ؟
إمتى ولادك يعود الحب لقلوبهم
إمتى – حبيبتى - يعود العزم فى عيونهم
إمتى السواعد ح تبنى المجد و تعلـّى
إمتى العمل يرجع و يرجع لنا شهد الأمانى
مرضانة ؟ .. ربنا معاكى يا ستى و يحميكى
و يهدى أولادك ، دا همه دواكى اللي ح يشفيك
حسدوك الأبالسة ، حالا حاجيب الطاسة و أرقيكى
و حترجعى ست التاريخ و أم الدنيا و يخسأ من يعاديكى
و يشهد ليكى بالريادة – يا حبيبتى - القاصى و الدانى
16 مايو 2011
No comments:
Post a Comment