فى الوراق
الدما سالت و قالت
الحب غاب
لما الذئاب
قامت و قالت بالسلاح
مفيش أفراح
راح الرجال
راح النسا
و اتمزقوا الأولاد
و اتلونت بالدم أرض البلد
بدل البياض حل السواد
إيه اللى حصل يا جدع ؟
قالوا وحش من الظلام
من هنا عدى و فات
ترك بصمته
عمل عملته
الفرَح فى الكنيسة انقلب ميتم
بدل زغاريد الفرح ، تسمعشى غير أنات
و الست بتدور على كتاكيتها
تاخدهم و تمشى على بيتها
يا حسرة يا ابنى
يا لهوى يا بنتى
فينك يا ترى انتى
تلاقيشى غير جثث
مرمية
يتعدوا بالعشرات
و بالمية
دا اللى حصل ف كنيسة الوراق
شئ لا يحتمل ، شئ لا يطاق
No comments:
Post a Comment