شريط الذكريات
مرت ليالى الأنس و طواها الزمن
صفحات متسودة ف أرشيفه .
باعـْدت ما بينى و بين وقتها مسافات
و بترها زمانى بسيفه
أبص لها : مجرد شريط م الذكريات
و اقول يا ترى يرجع زمانها ؟
مستحيل .. هيهات
مجرد صور من الماضى البعيد
يطل بيها عليا بطيفه
كان للصبا ميعته ، و كان للشباب فورة
و كانت ثورة
و كان الحب مالك للفؤاد :
لكن فى القلوب الطـُهر
و كان السهر فى الخيال مع الحبيبة
م المغرب
و حتى الضهر
و نمشى مع الأصحاب بالبراءة بين الغيطان
نحكى و نتحاكى
إيه اللى قريته النهارده ، و إيه م الطرب أشجاكا
اللى فى الأدب مستغنى بطه حسين
و اللى مش عارف طريقه للمستقبل و سكته منين
و اللى فى الفلسفة متشعبط تقولشى حضرته سقراط
و اللى فى بحور الشعر عايم فى أمواجها ، و غرقان
و نطاط
و اللى بين الزجل و فنونه ، سايح و هيمان
و اللى فى الحياة عاقد مع المتع صفقة
نلومه يقول لنا : يا خلق دى مراهقة
دلوقتى ف لومان الهِـرَم، مسجون ، لا قوة و لا حولا
مالى صديق يلازمنى غير المرض ، ليس إلا
27/7/2012
