دموع إيزيس
إوعك تفتكر بإن النيل ميته جاية من الحبشة
أبدا ، دى دموع إيزيس
سحِّت بحرقة على بعلها أوزوريس(1)
دلوقتى فايضة بالدما على بنتها كيمى(2)
تايهة ما هيش عارفة فين راسها و فين رجليها
فين الصواب و فين الغلط ، و دا إيه دا اللى حصل ي
دا معتصم و دا محتشد و دا قاصد وزارة الداخلية
و الاقتصاد انكمش و السمعة بين الدول ، إيه المصايب ديا
و صدام ما بين الشباب و قنابل البوليس
و الكل نازل كلام تخريف على تهجيص
---------------
(1)
كانت الأسطورة تقول إن مياه النيل آتية من دموع إيزيس حزنا على زوجها
أوزوريس الذى قتله أخوه ست .
(2)
كيمى هو الإسم الفرعونى لمصر.
No comments:
Post a Comment