طعم الحياة
قومى افتحيه
خللى الهوا ينعنشه
و يصب فيه الهوى
و يفرفشه
دا القلب لو إنه خِلى
العنكبوت راح يسكنه
و ان ُصعُب فتحه عليكى
إديهولى ، أو هاتيه
يسكن فى قلبى ، ح يراعيه
دا أنا اختصاصى فى الهوى
من غير دوا ح اشفيه
و ابدر بذور العشق فيه
ح تحسى إنك واحدة تانية
و الحياة لها طعم تانى
و الشوق ح يشعل نار لذيذة
الدنيا ح تصير حاجة تانية
قومى و فورا و افتحيه
لا تقولى إمتى و فين و ليه
الهوى واقف ببابك
نادى يقول :
يا قمرإيه اللى نابك
دى الحياة من غير غرام
ما لهاشى لازمة
ما تساويشى حتى جزمة
لما تبقىِ يا نور عيونى
ع الحب إنت يا حلوة ناوية
أو تكون المهجة عازمة
ليه بقى يعنى اضطرابك ؟
23/2/2011
No comments:
Post a Comment