ماشى
اهجرى و ابعدى على كيفك
و كفاية إنى أعيش على طيفك
رمشك قتلنى وْ غرستى ف فؤادى المريض سيفك
قعدت اقول بكره ح تبعت إيميل و تدينى كام رنة
أو تبعت ميسج يرتاح لها قلبى و يتهنى
و فضلت أستنى
و انا عايش ما بين الذكريات الحلوة و بين طيفك
تقلان عليا يا قمر ف شتاك و فى صيفك
ملناش ربيع يا قمر ، تظهرى لى فيه و أشوفك ؟
و الا خريف ينغزك و يصحى أعطافك
و تدارى م الظلم الخجل يا قمر و كسوفك
و احنا اللى طول عمرنا مع بعضنا ف سرك و مكشوفك
|
|
8/5/2012
No comments:
Post a Comment