يا مصر

يا مصر

يا ترى إيه اللى صابك ، يا درة العرب يا مصر   

   صبرا يا ست البلاد ، فإن بعد العسر يسر

   لازم ترجعى قدوة للشعوب و العرب و منارة  

   ليكى الريادة فى العلوم و الفنون و كل فرع من الحضارة   

  قومى و دوسى على كل الصعاب و ابنى    

تفديكى روحى و مالى و كل غالى و نفيس و ابنى

15 مارس 2013

يا قمر

يا قمر

ألهمتى عشاق الجمال

و داريتى ليه ع النجوم

مبقوشى عارفين النهاردة

سبت و لاّ اتنين أو أى يوم

دوبتى فى الحب القلوب

لا عتاب ، أوأى لوم

كل اللى عاين نور جمالك

فى البحر ما يعرف يعوم

لو بسى ترمى لى نظرة

أسهر و ما يجينى نوم

أو بوسة واحدة ، مفيشى غيرها

أسكر و اقول ميرسى ، يدوم

أو حتى ترميلى بسمة

بسمة واحدة ، أخدها و اقوم

يا عينى عليكى

ياعينى عليكى

يا مصر ليه الهم كابس على صدرك

و ليه المرض ماشى قدامك و راكب على ضهرك

تقومى من حفرة تقعى فى دحديرة

عينى بتبكى عليكى دماً ،

عينى عليكى يا طول صبرك

6 أبريل 2013

يا عم مبنا

يا عم مينا

يا عم مينا

يا موحد القطرين

دى مصر بايدينا      

خربت وشتتوها

واتقسِّمت نصين

فى شمالها يعيش إخوان

و ع اليمين

عايش المصريين

يا رب

يا رب

يا رب ياللى خلقت الدنيا من لا شئ

حقق رجائى و نجنى من كل هم و ضيق

فى زماننا دا اللى عز فيه السند

و قل فيه الصديق

و اللى فيه ضاقت صحتى ع الجسد

و انتشر بين البشر كل طماع و ردئ

و اللى ضاقت على وسعها الدنيا

و القمر بقى لونه إسود غميق

19 فبراير 2013

يا جمالك

يا جمالك

جمال الدنيا فى عينيكى

و لون الورد فى خدك

تهيم المهجة حواليكى

تسوّى فيها ما بدك

ضلام الليل على راسك

نعومة الهندى فى يدّك

قوليلى مين بقى قدك

أبث إليكى أشواقى

و آخد حبة من عندك ؟

إذا حنيتى يا قمرى

حتلقينى منتظر ردك .

3 فبراير 2013

و لا تقدرى

ولا تقدرى

 

(1)

ولا تقدرى

طب جربى

كان غيرك أشطر

و لا حد يقدر

يا ما قالوا قبلك :

للحب إكسو

و القلب غنى

للحب عكسه

(2)

 

دا الحب مكتوب ع الجبين

ليه يا جميل تنكره

ح تحبى ص، ح تحبى س

و العاشقين راح يكتروا

و السبع يغزو سبعته

فى الفرْح راح تتمختروا

طرحة و فستان لؤلؤى

و الورد و الملح اتبعتروا

(3)

كاسين غرام

أحلى المُدام

كاس ليكى انتى

و التانى ليا

نسكر و نبقى

فى الحب قصة

لألأ ، و لسه

لو قُبلة دُقتى

أو حضن دافى

يبقى الغرام

م الدنيا كافى

(4)

إمْلِى بقلبك

كفة ميزان

و شوفيه : ح يطلع

فى الحب فارس

تحته حصان

(5)

طب هاتى إيدك

على صدرى دوسى

حاسة بقلبى ؟

بيقولك ايه ؟

تِكى شوية

دقاته زادت ؟

و أحُط كفى

و أدوس بشدة

دى دقيقة تكفى

على صدرك انتى

سيبي لى قلبك

يحكى حكايته

يشرح لى حبك

حيقول كلام

ساخن مولع

صادق تمام

(6)

إدينى ودنك

واصغى لهمسى

دانا يومى فيكى

و غدى و أمسى

لو بسى ترضى

تفديكى نفسى

(7)

هاتى الشفايف

راح أصب فيها

ويسكى غرامى

و أكب فيها

حبى و هيامى

حاسبى يسيل

الحب منهم

و يغطى صدرك

يملا الثنايا

و يسيح فى نحرك

(8)

و انتى بعيدة

إرميلى بوسة

نفسى ف شفايفك

ألهط لى لهطة

و أدعك ، و امصمص

أحلى عروسة

(9)

فوق قمم الجبال

نبقتين بنى

من سحرهم جه للفؤاد الخبال

هل تسمحيلى يا قمر إنى

أقطف و لو واحدة

لا تخافى من مصها

أو عضها بنابى أو سنى

(10)

إدينى راسك

ترقد فى حجرى

أوصل أساسك

ألعب ف شعرك :

وأنعكشه

و أسبسبه

و الثغر بشفايفى

أنا ألهلبه

(11)

كَفّى على خدودك

و تسبللى عيونك

محلا بياض لونك

آه يانا من رمشك

صفين سهام

جرحوا فؤادى

صابه السهاد

فنسى المنام

ليله الطويل

يشكى الغرام

(12)

بُصيلى بشفايفك

كرزة على كرزة

محلاها من مَزّة

زائد كاسين ويسكى

أسقيكى و نمزمز

عاشق معاه مُزة

و نعيد ما كان بيننا

الحب من تانى

آه منك و آه يانى

قلبى على قلبك

موجب على سالب

بيقولوا و يقولوا

عشقى و عن حبك

والليل مغطينا

بضلامه و ْبطوله

و نواجه الدنيا

كائن بالهوى واحد

(13)

عينى على خصرك

ما بين جبال الشوق

طاللة عليه من فوق

و الهضبة من تحته

مستنية الركيب

يركب عليها ، يسوق

و تدوقى الجمال و يدوق

(14)

هاتيلى شئ

أغلى أشيائك

ما شافه أو لمحه

أقرب أحبائك

يشكى من الزنقة

و يعانى م الحبسة

مع بعض أجزائك

(15)

الصقر واقف

على القبة

ناظر بعينه

عين المحبة

و يدس راسه

حبة بحبة

و تقولى قاسى

لكنه فارد

طوله ، و هُبَّه

(16)

على شطوط دنيتك

نلعب و نتمشى

وفوق نجيلة جنتك

نفرش و نتعشى

و نرش فوق الزهور

رشة ورا رشة

(17)

الوردة بجمالها

روحك يا روح قلبى

فى قلبى بتنور

بتدعبس و بتدور

على حب بيلسوع

على شوق ، على جنة

ترعى و تتمتع

(18)

اوعى تصدقى

إن الغرام

رابطة ما بين قلبين

أو حتى روح واحدة

بتحل فى جسدين

دا غايته و مرامه

دوبان ما بين جسدين

الدم و الچينات

إتوحدوا

فى جسم واحد

و القلب و الروح يشهدوا

إنهم حبيبين

داخلين فى واحد

من بعد ما كانوا

من قبل الهوى : اتنين