أحب الليالى الضلمة ، و السواد مغطيها
لا تلاقى فيها بياض ينور ضلام الكون
ولا ثقوب فيها
يا دوب القمر مكسوف و متخفى فى الزنقة
ظريف فى كسفته ، و فى غاية الرقة
فلقة حمرا فى المحاق لابدة فى وسطيها
و جنينتك المتزوقة بالنجيلة و بالأزهار
يا أجمل الأقمار
طول ما نورك - يا نجمتى - انتى فيها
سيبيها على حالها
دى الطبيعة أجمل كتير
من إنك تلعبى فيها
بينا يا جميل نطلع فوق ، على حدايق القبة
نحط فوق النجيلة ، نفرش فرشتنا حواليها
?نقول للهوى أحاديت ، إيش دخل اللغة فيها
رموز تلاتة يعرف سرها أهل الهوى
تعالى يا جميلة و جربيها
لحظة غرام ، ليه نضيعها و نخجل منها و نخفيها
مش هيه دى الطبيعة بتأمرنا ، ونسمع ليها ، نلبيها
تعالى بلاش تقاوميها ، و ليه مكسوفة و تخفيها ؟
فلاح ح يدخل بمحراته ف سهول القمر ، يحرتها و يرويها
بميتة ح يغطى خلجانها و يرضيكى و يغمر أراضيها
يعدى علينا الليل ، و تجرى بينا ساعاته
لا داريانين باللى جرى و لا إيه اللى حصل فيها
و نقوم ، أنفض قاعدتك من الحشايش اللى اتعلّقت بيها
No comments:
Post a Comment