بإيه يفيد الندم
قالوا زمان فى الغنا :
إن الحياة حلوة
ميعرفوش إنها
بتخبى مليون بلوى
غرتنى فى زمان الصبا
بزهورها و بورودها
بسعاد و فردوسة و بسلوى
و قطفت فيها العنب طازة
بلدى و چناكليس و بناتى
يا ترى إيه أعمله :
أبكى على اللى فات
و الا على ما هو آتى
ياما مشيت على أمرها
حسب دربها و هواها
ساعة بريئة و مش بريئة ساعات
دلوقتى بادفع تمن اللى فات :
دموع مولعة و آهات
خطاء صحيح أنا ،
لكن بشر تواب
راجى من المولى السماح
و لطفه يوم الحساب
ليلى و النهار أناجيه :
يا قابل التوبة
اقبل منى أوبتى ،
يا رب يا تواب
No comments:
Post a Comment