ضاعت سنية

ضاعت سنية

( فى زيارة لإحدى المدن الإقليمية وقعت الحادثة الآتية لطفلة تبلغ من العمر ثلاث سنوات )

تاهت سنية

ضاعت سنية

وردة بلدى مفتحة و زهرة ندية

و امها قعدت تنادى ع البنية

يا سنية .. يا سنية

مين اللى أخدك يا سنية ؟

تسأل الناس رايحة و جاية

من غير أمل و لافيش مجيب

اليأس و الألم الرهيب

ضاعت سنية

القلوب اتقطعت و الدمع سايل ع الخدود

و الناس بتجرى شمال يمين .. تدعى حنانك يا ودود

و الشباب اتفرقوا .. لفوا الشوارع حتة حتة

صبيان شهامة و مجدعة لفوا البلد ع البسكليتة

و الشيخ على المنبر ينادى : ابحث يا مؤمن عن سنية

و الثواب عند اللى خلقك .. اطفى نار قلب الولية

كله بينده : يا سنية

عينى على امك يا سنية

اليأس حصّـل منتهاه .. و الست قعدت ع الرصيف

. ما تقولشى غير آهين و آه .. أملى فى لطفك يا لطيف


عيّـل بيجرى من بعيد .. من فريق البسكليتة

أبشرى يا امو سنية .. اتلقت ست البنات

انهيار عصبى شديد .. فينها يابنى أبوس ايديك

من بعيد جايّـة سنية .. و امها حالها : عديك

الدموع فى كل عين .. و القلوب ترجف : أمومة

. صلى على سيدنا الأمين .. و اعملى لوجه الله عزومة



مصطفى سلام
10/6/2006