فرعون

فرعون

: الفرعنة

فى يوم من الأيام
كان التاريخ لسه
بتكتبـه الأقلام
و الصبح ما اتمسّى
قبل المسيح بزمان
ع العرش كان فرعون
و وزيره كان هامان
: أوقد له فوق الطين
حاكم بقوته مفتون

: الألوهية

شعبه غُلب وياه
عامل كإنه إلاه
مالكوش إله غيرى
عايش يا شعب فى ملكى
و الرزق من خيرى
مصر اللى يملكها
(و السلسبيل يجرى .. (1
أبقى إله تجرى
. الدنيا على أمرى

:النهاية

ربك يا مؤمن ما يرضى لابن آدم الجبروت
إن كنا أحياء النهارده , بكره حنلقى الموت
عارفين طبيعى إيه جرى لفرعون
.البحر بلعه و راح غريق ملعون

:النتائج

مش مشكلة غرقه .. فى داهية .. إنما أم المشاكل
إنه ترك سُنة لكل حاكم مفترى مش عاقل

:تنبيه

مبقولشى فى مصرنا دى السُنـّة , لكن فى بلاد الواق
(دا الحكم فى مصرنا , نقمة من الخلاق .. (2
(و حكومة ابتلانا بها , ربك الرزاق .(3

:مين اللى قال الكلام ده ؟
يا جدع حل عن شعرى , دانت شيطان ملعون
نفسك تودينى اللومان , و يقولوا البعيد مجنون ؟
ِملكى و لا ّ مِلكهم إنت يا مستر شيطان ؟
.بتوزّنى و انت عارف , إن المصير هــّوه اللومان

:شوية حلوين

فرعون دا حلو وفُـللى .. ورد و قرنفل خلطبيط
و حكومة أحلى م الجيلى .. و مهلبية و بظرميط
و اللى غلط فى حقها .. دا شيطانى و اسمه مصطشيط
(و انا احبها و أحبها و أحبها .. أكتر كتير م القرنبيط .(4
---------------------------------------
(1) ( السلسبيل : النيل ( و هذه الأنهار تجرى من تحتى
(2) أنا كنت كاتبها " نعمة " , الشيطان دوّر العين و حط فوقها نقطتين
(3) الابتلاء بيكون بالخير و بالشر .. عشان محدش يمسك علىّ حاجة
(4) !! أن أصلا ما بحبش القرنبيط بس باضحك عليها " لحد ما تنام "

16 مايو 2006