شكرا يا أحبابى
(ردا على ترحيب منتدى الواحة بى )
و لقيت لى حتة منتدى
عالى المستوى جدا ظريف
فيه العلوم , فيه الأدب
تالد قديم و جديد طريف
مليان حبايب كلهم
ذوق , دمهم دافى خفيف
قابلونى داخل قلبهم
حب الغريب و هوى الضيوف
على طول لقيتنى وسطهم
و المنتدى أصبح أليف
قررت أعيش أنا وسطهم
من غير قلق مضنى و خوف
وسط الحبايب , وسط أهلى
و الحب ما بيننا يطوف
الحبايب : اللى رحب
و اللى حايشاه عنى الظروف
شكركم اللى فى قلبى
ما توصفوش أبدا حروف
يا رب جمّـع شملنا
بعد افتراقنا لألف طيف
يا رب بارك جمعنا
.يا واسع الكرم اللطيف
مصطفى سلام
22 نوفمبر 2006
No comments:
Post a Comment