الوزارة

الوزارة
***
شيل الوزارة
حط الوزارة
مش دى يا ريس
!!! هيّه العبــــارة
إن كان عبيد
و الا نظيف
شئ يا مبارك
. ميهمـــــــنيش

: كل اللى عايزه
لقمة هنية
مية نقية
بيهم يا ريس
. نقدر نعـــــــيش

ملقاشى ابنى
قاعد فى فصله
: أستاذ يفاصله
درســـــه بكام
قاعد فى صحبة
تسعين و أكتر
وان كان بيرجع
معدى بحصبة
و لاَ بزكـــــــام
اشكر لربى
و احمد له فضله
إنه رجع لى
. شئ و الســـلام

و ان كنت أعيا
فى الاسبتاليا
ألقى العــــلاج
ملقاش تمرجى
واقف بيشخط

أصل الإمارة
عنده مـــــزاج
و القى الطبيب
و القى الحكيمة
و الرحمة واقفة
فى الانتــــظار
و القى الدوا
أصله النهارده
أسعاره طافشة
. والعة بنــــار

و الواد عويس .. ابن أم جازية
اللى أمه شقيت
ناضلت وكافحت
علشان توفر له الــعلام
عايزه له شغلة
يكسب له لقمة
يلقى له شقة
يتلم فيها
مع بنت حلوة
. يسعد معاها .. و يعيش تمام

و العيش يا ريس
طوابير مهولة
عند المخابز.
ُنص الطابور.. يرجع لبيته
صفر اليدين .. من غير رغيف
شوف المهانة .. لمّـا عياله
تصرخ يا بونا : فين الطعام ؟
منظر مروّع .. و الصورة مُـّرة
. مطلوب يزيلها .. دكتور نظـيف

والسوق يا ريس ... ما بقاشى سوق
أصبح جهـــــــــنم
فيه الديابه .. تاكل الغلابة .. عينى عليهم
و السعرانين .. تلقى جيوبهم .. هيّه و كروشهم
. ملــــــــــــــيانة دم

فى الأوتوبيس
غيث يا مغــــــــيث
اوعى لروحك
لتروح فطيس
عاوز مكان .. يحفظ كرامتى
إن كنت واقف .. أو ليّه كرسى
مش أبقى واقف
. مكــبوس كبـــــيس

فى القليوبية
تلقى باسوس
!!!! إيه هيّه ديّه ؟
دى يا مبارك
قلعة صناعة
فى الجمهورية
تلقى الشوارع .. قمة تخــــــلف
الحفر فيها .. هوّه الأساس
فيها الزبالة .. كام ألف مقلب
أما الناموس .. مقدرش أحسب
و لا فيه مجارى .. و لا أى خدمة
و إن كنت تقبل : أشهد و أحلف
و لا عمرى أحنث

. لا فيه حكومة .. و لا فيها مجلس
يجعل كلامنا .. حلو و خفيف

. الله يعينك ... يااحمد نظيف
مصطفى درويش سلام
15/8/2004