الجمال الطبيعى
امسحى الروج من فوق شفايفك
: دا القلب شايفك
روعة فاقت كل لون
سحر و جمال ، همس الجنون
مين بس قال لـَك إنه روج
دا لون شفايفى لون بهيج
دى شفايفى سادة ع الطبيعة
هيه كده خلقة بديعة
شيلى الميك أب من ع الخدود
تفاحة حمرا أمريكانى
ما رأيت زيها على طول زمانى
مين يحط على الحَمَار أحمر جديد
دا الحَمَار م الشمس واخد صبغته
و جمال بديع و بدون حدود
مين اللى قال إنه ميك أب
كداب فى قوله ، قليل أدب
دى لونها سادة ع الطبيعة
هيه كده خلقة بديعة
إغسلى من فوق عينيكى خطوط ريميل
حطاها ليه ؟
هيه ناقصة يا جميل ؟
: إنت عارفة ؟
لو أنا بصيت فى عينك
(بينى و بينك )
راح اطب ساكت
دى مفاصلى سابت
أصلى ضعيف
قلبى خفيف
قدام عيون غزلان مهولة
حورا جميلة
مين اللى قال إنه ريميل
هوه بيكذب .. سيبه يقول
ألوانها سادة ع الطبيعة
هيه كده خلقة بديعة
إنت بصحيح نجمة و ظالمة
بس مش طالب يا نجمة
إلا رأفة وحبـّهْ رحمة
19 نوفمبر 2009
No comments:
Post a Comment