تزييف
غلالة رقِـيقـَة
ليه تحطيها على وش الحقيقة
كل الحقايق ح تبان فى يوم
إن كان فى صحوة أو كان فى نوم
هن بيداروا الوقائع تحت أوراق الشجر
تزييف و كذب و سوء نظر
الحقيقة مْجردة أجمل كتير من غير رتوش
أحمر و أخضر ، أبيض و أزرق –
ع العيون حبة رموش
حاطـّة على راسها مكان الشعر حتة دين باروكة
و البنطلون لازق يصور سر تحته ، قال إيه شياكة
كله باين من سيقانها لحد فووووق ، حتى العبارة
مشروحة بالتفاصيل : تلـّة وْ مستطيلة على استدارة
بالشرطة و الفتحة و بالضمة ..
موقع ما يوصلش ليه الهوا ، حتى ولا النظارة
فين أمها و أبوها وفين القيم ؟ يا خسارة يا مليون خسارة
إزاى تبان بالشكل ده ، آخر جسارة
الصورة تحته – لو نشوفها - أقل منه فى الإثارة
و البـَـدى ْيغطى مساحة وْ باحة واسعة مستباحة
الكل من حقه يشوف ، دى بضاعة
الشيطان يعرض بضاعته، صنعته ، بئس الصناعة
10 أكتوبر 2009
No comments:
Post a Comment