اللوامة
نفسى مزينالى الدنيا و عاملاها إيه يعنى
دى كل ما امشى فى طريق الخير ألقاها بتمنعنى
هيّـه شيطانى اللي بيسري فى دمايا و ف شرايينى
بتزوق لعينى الخطايا و تبعد قلبى عن دينى
أمّـارة بالسوء تسوق للشرور ذاتى
أنسى ساعتها النتايج ، ماليش دعوة بما هو آتى
عايزانى أضيّـع برخص التراب آخرتى ، و حياتى
هبت من منامها النفس اللى اسمها اللوامة
قالت لى يا مسكين ح تقول له إيه ربنا يوم القيامة ؟
إلحق، دى أيام قليّـلة ، و قدامك سكة واحدة للسلامة
دى رحمة المولى واسعة بتغفر ذنوب ياما و ياما
إمسك بدينه بسنانك و سنة محمد و صلى و سلِـّـم
يتوب عليك بفضله و رحمته، و بالجنة عليك ينعِم
10 سبتمبر 2009
No comments:
Post a Comment