مين ؟
ما أروعك
مين دا اللى ما يعشقك ؟
طظ يا حلوة فى ذوقه
أعمى البصيرة و النظر
لا عمره شاف الجمال و لا بيدوقه
دا البدر لو للجميلة نظر
ح يطب ساكت صريع شوقه
الوردة فى شعرك
و الزهرة على صدرك
و القلب بيقول لك
الرحمة يا بدرى
الكحل فى عيونك
يا عينى على لونك
أبيض على حُمرة
قتلونى من بدرى
أشحت و أقول بسمة
أجمل من النسمة
و ح تبقى لى منك
مكتوبى و القسمة
طب نظرة من عينك
محلاها و جبينك
مشرق بنور صافى
تسعد محبينك
طب لفتة من نحرك
أو حبة من سحرك
أو بوسة فى ثغرك
متغمضيش عينك
8 ديسمبر 2009
No comments:
Post a Comment