ألفين سلامة
إيه ؟
قررتِ تمشى ؟
ألفين سلامة
من غيرعتاب
و بدون ملامة
لو كنتِ حتى
آخر صبية
فى الدنيا ديـّا
إوعك تكونى
فاكرانى بَعدك
راح اشد شعرى
و امشى منعكش
أسكر و احشش
و أشد كـُلـّه
لألأ يا فلة
فوقى يا حلوة
مبقيتشى ِسلوة
قلبى ما عادشى
لعبة و تسالى
و يبوس إيديكى
ويقول تعالى
دا البحر فيه
أسماك كتير
و على الشجر
كبشة طيور
و على الغصون
ورد وزهور
على كل شكل
وبكل لون
ح اختار لى زهرة
و اشم وردة
مهما يكون
يبقى لى طيرة
حلوة و صغيرة
تفرد جناحها
تدينى روحها
أديها روحى
لكنك انت ؟
يا حلوة روحى
13 نوفمبر 2009
No comments:
Post a Comment