النجوم فى السما
( فى اجتماع المنتدى يوم الجمعة 4 ديسمبر 2009 )
بدرة نجوم نورت فى سما المنتدى
اللى تايه فى الضلام ، بنورهم نظر و اهتدى
الأدب و الفن و الشعر و العلم و الإيمان و التاريخ
دا عالم و دا فنان ، دا شاعر، و فى الدين دا سيدنا الشيخ
و دا حسن شاعر رومانسى ، فنان شعر و أدب و طبيخ
الذوق مع الأخلاق ، إبداع بلا إسفاف و لا تلبيخ
أنا جيت أعيد ، دا العيد اجتماع الحبايب فى ليلة زاهرة
ليلة صافية منورة من ليالى القاهرة
دا احنا فى اجتماعنا بيجمعنا جمال القلب
تحمينا و تصوننا كلنا رعاية الرب
تجمعنا الأخوة الصادقة و يزيد صفاء القرب
دايما تلاقى القلوب الصافية يجمعها الإيمان و الحب
يارب أيامنا كلها تبقى ع الدوام أعياد
جمع شملنا قريبين من بعضنا و بعاد
و ليلتنا الطيبة تنعقد على المدى و تنعاد
No comments:
Post a Comment