حب بالإكره

حب بالإكره

طظ فى الهوى

(عشمتنى بالحلق .. خرّمت له ودانى .. (1
و قعدت أستنى الوفا بالوعد ، أَخـْـلفْ و ما جانى
يا حلو ليه الجفا ، ما انت اللي مواعدنى
أبكى و ألطم : يا لهوي م الهوى ، آه يانى

هوّه أنا كده دايما .. ما ليش فى الغرام حظ
أفضل أبحلق من الشباك ، لحد عينياّ ما تبظ
ليه تخلف الميعاد ، أكونش مش عاجبك ؟
(إن كان كده ، أَقول للهوى غور يا هوى ، طظ ف أبوك طظ .(2

هوّه اللي خلق حضرتـَـك ما خلق غـَـيْركْ ؟
إسمع !! : ... حاقولك كلمتين خلليهم بسّى فى سرك
دا انت صحيح فى دنيا الجمال قمر، و الدنيا كلها أقمار
.انزل شوية من السما ، دى الأرض مثواك وبيتك ، و هيّـه مستقرك

تعرف لو لم تعود لقلبى يا قمر و رجلك على رقبتك
زى ما ف قلبى زرعتك ، حارميك يا قمر مطرح ما - أنا جبتك
و ازرع فى قلبى من بعدك .. وردة و فلة و ألف زهرة
.طاوعنى ح تندم ندم يا قمر ، و تقعد تبكى على خيبتك
-------------------------------
(1) مثل شعبى : عشمتنى بالحلق خرمت له ودانى
(2) طظ : فى عصر ما من عصور العثمانلى كانت تفرض ضرائب على الأرز ، فكان الفلاحون يكومون الأرز أكواما و يغطونها بالملح – و الملح بالتركية يعنى (طظ) ، و حين يأتى جابى الضرائب يسأل : ما هذا : يقول الفلاحون طظ يا أفندينا طظ ( أى ملح ) .. و بهذا يهربون من ضريبة الأرز