الجبان
(فى عمل إرهابى بميدان سيدنا الحسين )
جبان
أيوه جبان
واطى و دون
.و خسيس كمان
حد يطعن قلب أمه ؟
اللى منها اتبنى .. لحمه و دمه ؟
يقتل ضيوفها
و اللى جاى من كل حته.. قاصد يشوفها ؟
فاتحة لعشاقها القلوب ، فاردة دراعها
بالكرم الحاتمى المخصوص متاعها
و بدال ما بوسة يحطها ما بين عينيها
فوق جبينها ، فوق إيديها
بالجبن يعمل عملته
يدمى فؤادها
يفزِع ولادها
ح تقولوا إيه ؟
كائن جبان
عملته نقطة سودا ع الجبين
و لا راعى مقام سيدنا الحسين
ولا حتى قدسية دا المكان
و الغلابة الذاكرين وسط الميدان
تبت يديه ..
.لعنة المولى عليه
24 فبراير 2009
No comments:
Post a Comment