النهاية

النهاية

..تبحر، تجبل
..تشرق ، تغرب
..و تعدل ، تميّـل
..و تطلع لفوق
.ضرورى ح تنزل

..ح تنزل لتحت
..و تسكن فى فحت
..و ُيردم عليك
..و فوقك رخامة
..عليها التاريخ
..و اسمك و عيلتك
..و حبة عياط
..و حبة صريخ
..و سورة يسن
..و واحد بيدعى
:و كله يقول
.يا ربى آمين

..و يللا يا سادة
..و كله يعود
..لدنيا غرورة
..شهية وْجميلة
..و لذات قليلة
..و يفضل معاك
..إيمانك بربك
..و صالح عملته
..و حبة كلام
..لخير الأنام
.. بدون قصد قلته
.فى مرة زمان

..و كله ح ينسى
..يقولك دا لسه
..ميعادى ما جاش
..و ليه بس أضيع
حياتى بلاش ؟
..و يمشى و يمرح
..على كل مطرح
..كإنه يا عينى
..مفيش حد تانى
..على الأرض غيره
..و يسرع فى سيره
..و يجرى يبرطع
..يبصبص و يسمع
..و ينهـد حيله
:و ما ينوله إلا
..حظوظ مكتوبه له

..و ييجى ميعاده
..و يا يطول رقاده
..و إما يجيله فجأه
..ولا يقول فيها آه
..و لايقول حتى لأه
..يسلّم كل أمره
..و معلومه ، و سره
..و ينزل وحده تحت
..و يُدفن جوه فحت
..عليه الرخامة
..و يترك دنيا فانية
:و يمشى ف سكة تانية
..يا سكة سلامة
يا إما ندامة .
15 نوفمبر 2008