الله ع الجمال
!!شوفوا الجمال لما يكون شجرة
القد غادة ، و الشعور زهزهة و خضرة
:واقفة على الناصية تبص لك مبتسمة
.سبحانه من سوانى ، دا صاحب القدرة
!!شوفوا الجمال لما يكون نجمة
واقفة ملعلعة فى السما و الدنيا كلها ضلمة
:و م الأعالي تبص لك زاهية و مبتسمة
سبحانه من سواني ، دا صاحب القدرة
!!شوفوا الجمال لما يكون إنسان
.التقوى فى قلبه و عقله بالعلوم مليان
:عالم مهول رائع بينطق بكل لسان
.سبحانه من سوانى ، دا صاحب القدره
شوفوا الجمال لما يكون عصفور
مالى الفضا شقشقة وسعادة وهنا و سرور
خللا تكاله عليه و قالت معاه كل الطيور
.سبحانه من سواني ، دا صاحب القدرة
شوفوا الجمال لما يكون قلبين
الحب جمع فى واحد لم يعودوا اتنين
دابوا سوا ف واحد غنى بشوق و حنين
.سبحانه من سواني ، دا صاحب القدرة
شوفوا الجمال لما يكون ترعة
ع المهل تجرى ، بلا عجلة ، و لاسرعة
:تروى العطاشى ، بين الغيطان تسعى
.سبحانه من سواني ، دا صاحب القدرة
شوفوا الجمال لما يكون أخلاق
صدقات على الفقرا بلا خشية من الإملاق
فيها الأخوة تسود و التواصل بدون رياء و نفاق
.سبحانه من سوى الجميع .. دا صاحب القدرة
16 مايو2007
No comments:
Post a Comment