يا قلبى يا موجوع
ليه بسى تعملها يا قلبى .. دانا صاحبك ؟
تضعف و تخذلنى و لا اقدر استعين بك ؟
و انت اللى ياما اتشاقيت : كنت الفارس الملهم
. نجرى على دقاتك : كتير تسبقنى وأنااسابقك
مر الزمان و جانا وقت ما أشيلك
زى ما ف نور نهارى شيلتنى ، راح اشيلك فى سواد ليلك
و الف بيك ع الأطبا نقول يا رب يا شافى
. اشفى عليلنا ، ينجيك من عََََترتك و يقيلك
لما الأطبا قالوا لى دى بوادر ذبحة
صُـعبت يا قلبى عليا .. دى عشرة و كانت ناجحة
يا ما نصحتك و قلت لك بطـّل ملاعيب شيحة
. و انت اللى شطيت و حبيت : دى بوسى و دى صابحة
لما مرضت اشتكى بالمرض سائر الأعضاء
حتى القمر فى السما انطفى بعينى و اختفى ما أضاء
و انت اللى كنت القمر فى البدن بتنور جميع خلاياه
. و الشمس كنت الأشعة تضخها دفا فى جميع الارجاء
يا مقلب قلوب البشر فى أى حين و أوان
: قلبى فى ليله و نهاره بيدعى : يا كريم منان
إن كان دا قدر، و القدر ده قرار محسوم
. ألطف يا ربى ف قضاءك ، انت رحيم رحمن
6 سبتمبر 2008
No comments:
Post a Comment