مصر الأمان
ادخلوها آمنين
يا ضيوفها الأكرمين
شوفوا زارها قبلكم مين و مين
منها موسى
بعده عيسى
قبلهم يعقوب وقبله ابراهيم
يوسف و أهله أجمعين
وصّى عليها فى حديثه المصطفى
و اختار له زوجة من ذويها و اصطفى
معنى الكلام إنها و المصطفى صاروا نسايب
مصر الحبيبة مجمّـعة كل الحبايب
آدى مصر
ساحة أمان فى كل عصر
ما يهمكوش واحد خسيس
قلبه بالحقد اتملا ، إسود غطيس
فرقع له فرقيعة ف ميدان سيدنا الحسين
لالا .. مهما يكون
راح اروح للمقام
أقرا فيه فاتحة و اصلى ركعتين
: و الدمع سايل م العينين
ادعى لرب العالمين
يحمى الكنانة
قبلة أمان للخلايق أجمعين
. من كل فرقة و كل ملة و كل دين
25 فبراير 2009
No comments:
Post a Comment