عن الكتــّاب

الشربينى خطاب

عضو فعال

فين الكُتَّاب 00 !!؟؟

إلي أستاذي مصطفي سلام

فين الكُتَّاب 00!!؟

كان شيخ وعالم وفاتح ف البلد كُتَّاب

علِّمْ ولادنا الأدب وحفَّظهمْ كل فنون الأدب

وآيات الكتابراضي بقليله من طبيخ وجراية

ولا كان له طول عمره ف بنك حساب ****

نسوه ف ريفنا ملبوخ ف همه

يكافح الجهل بشطارة لاحد ساعده ولا طوروا علمه

ولا حتى ضموه لوزارة

قفل كُتَّابه زهقان وشطح يشجع الكورة علي عود قديم عزف أنا شفته ف المقصورة

بالجبة والقفطان كان واضح ف الصورة

مصطفى سلام

مشرف

يا سلام على الأيام ، ليه بسى يا شربينى

..تفكرنى بأيام مرت عزيزة علىّ ، سحيت الدموع من عينى

..كنا على الحصيرة (مربعين ) قدام مولانا و ســيّدنا..

(1)لوح الإردواز يشهد - ما يعرفوش اليوم بالطبع أولادنا ..

(2)و الفلكة - فاكرها ؟ - للى ما يحفظ الأيات

.. 3))مقطوعية من كتاب ربنا - فاطر الأرض و السماوات

..دى كانت يا أخى أيام ، راحت معاها قيم و عادات

..كان الاحترام شعارها ، و العلم و الآداب

...كل دا اتعلمه جيلنا من سـيّدنا و م الكتاب

مصطفى سلام
--------------

(1)

مربعين : جالسن و مربعين رجلينا .

(2)

لوح الاردواز : كان لوح من نوعية معينة من الحجر يكتب لنا فيه سيدنا الواجب المطلوب حفظة - كتابة بالطباشير.

(3)

الفلكة : بفتح الفاء و اللام : أداة لربط الرجلين معا حتى يتمكن سيدنا من ضربنا على أرجلنا فى حالة التقصير