الحب و بطلناه

الحب و بطلناه

ح أحط رجلى على رجلى
حـَبة ألاطة من أجلى
الحب اللى كان ورد الدنيا
دلقته من قلبى و عقلى
(1)Uglyدى الدنيا شكلها كان

بتقولــّـلى ليه قسوة قلبك
دا انتِ اللى قاسية و تستاهلى
حبى و روحى اديتهملك
و فتحت قلبى ع البهلى
و الورد فى قلبى زرعته
و هجرت أصحابى و أهلى
طمعان فى كلمة أو بسمة
أو قلب مغرم ينده لى
(أتارينى باحرت فى المية (2
و على الهوا بانقش أملى
وانتى و لا احنا على بالك
(و فى الجحيم أنكت وأغلى (3
أنا قلت فى بالى : حبيبى
طنش هواى و حلق لى
و ادينى خفـّـيت من حبك
(و ضربته صرمة و منتوفلى (4
و قعدت مبسوط ، فايق رايق
.و باحط رجلى على رجلى
------------------------
: قبيحUgly(1)
(2) أحرت : أحرث
(3) أنكت : أفرقع من الغيظ
(4) منتوفلى : نوع من الشباشب كان معروفا زمان

16 مارس 2009