أبو التفانين
.. يا مصرى يابو التفانين ، و الفنون درجات
دا انت اللى طول عمرك بتصنع م الفسيخ شربات
طرطأ ودانك يا مصرى و استمع لما هو آت
افهم مقالتى بدون جدل و لا اعتراضات
مصر العظيمة يا مصرى بتتدهور لأسفل الدركات
و احنا قاعدين بنتفرج عليها سنه و سنة و سنوات
خايف يحيلها يوم يا أخى تتنقل فيه إلى عداد لاموات
ساعتها ح نقعد نعدد و نلطم و اديله ماتش صوات
ما تقولشى حكومة و فساد ، حيتان و شلة الباشوات
إيدك فى إيدى – كلنا
نبنى ، نعمّـر، نرجع مجدها اللى فات
دى مصر يا مصرى ربنا كرّمها من فوق سبع سماوات
حرام نحط ف قيمتها
أم التاريخ و المجد و الحضارات
:يللا نجاهد فى سبيلها يا أخى ، دا الجهاد
أعظم العبادات
28 اكتوبر 2008
No comments:
Post a Comment