آآآه يانى

آآآه يانى

صعبان عليك حالى ؟
!!!و لا يصعب عليك غالى أهى دنيا و بنعيشها
بين ضيقها و بين عيشها
أيام و بتلطش
و ساعات بتحلى لى
أحيانا تعاندنى
و تحطم فى آمالى
و ساعات تروق ليا
و يروق لها بالى
و كتير تكشر لى
و تلخبط ف أحوالى
يا سلام إذا ابتسمت
الروض بيتبسم
و طيوره بتغنى
يا عينى يا ليالى
تشجينى ، تفرحنى
و القلب راح يرقص
و الفرْح نور ساطع
بيزيد و لا ينقص
و أأقول له تعالى لى
يا واحشنى يا غالى ..
و تغور بلاويها
و لا افكر فى يوم فيها
أنساها و اقول ليها
يا دنيا وانا مالى
دى ساعة رضا منها
بتساوى جميع مالى

21 فبراير 2009