قول الحق

قـُوْل الحق

ح ارفع فى صوتى و اشق بيه الكون

و اصرخ و اهاتى و لو قالوا دا مجنون

و الحق اقول كلمته مهما جرى أو كان

. دا الحق واجب أوجبه المولى ، فى كل شرع و دين

الحق أقوله و لا أخشى اعتقال أو سَــجن

أو عذبونى عذاب منه الحكيم يتجن

دا الحق اسم الحق ابدا ما أحيد عنه

. ولو استعملوا ما ابتدع الشيطان من فن

ليه يا حكيم الحق ضاع و اندثر فى دا البلد ؟

و الباطل اللى انتصر ، أصل الشيطان له سند ؟

ح تقوللى انتو السبب ؟ دا احنا غلابة طيبين
.

عايشين حياتنا مقهورين ، كل يوم هم و نكد

ساعات يكون الحق صعب و مش لذيذ وكإنه صبار مر

طب ما الدوا بيكون كتير حنضل و طعمه كإنه الصبر

لكن فى النهاية يا صاحبى ما يصح إلا الصحيح

. و عشان كده نستحمله ف شئ م الرضا و القبول و الصبر

تقول الحق ، حتى لو كان على نفسك

لو حتى يزْهقوا روحك أو يكتموا نفَسك

و اصبر على المفترى و شلته و محاسيبه

. لو حتى نهّـق فى وشك أو بالقدم رفسك

24 أغسطس 2008