العدم

العــــدم

(1)

السكون

مين اللى قال الليل سكون ؟
السكون ضد الحياة
الحركة مفتاح الوجود
(و الزمان ، إن لم تكن : لا يكون .(1
القلب دقاته بتنطق
بالوجود
لو سكن ، حل العدم
تنمحى كل الحدود
.بين الحداثة و القِدَم
،فى شرايين الفتى
تلقى الدما
، تجرى و تجرى
من غير توقف
لو إنها سكنت
،لو لثانية
حل القدر
.مات الفتى

النيل بيجرى
و الريح بتسرى
و الشمس تسبح
و نجوم كتيرة
رايحة و جاية
و الناس بتسرح
تبكى و تمرح
و تقول يا عالم
.كده : أبقى حية

----------------
(1) يربط الفيلسوف اليونانى أرسطو بين الزمان و الحركة فيقول : " الزمان مقياس الحركة "

(2)

السكوت

بتقوللى أسكت ؟
أكتم و أخرس ؟
ماشى يا سيدى
حاكتم و أخرس
و بلاشى أنطق
لكن ساعتها
فايدة لسانى ؟
مالهوشى فايدة
لازمة ودانك ؟
مالهاشى لازمة
و العقل يبقى
ما لهوشى قيمة
دا النطق فينا
(أصل الماهية (1
---------------------------
(1) يحدد أرسطو ماهية الإنسان– أى حقيقته - بالنطق (العقل) فيقول (الإنسان حسوان ناطق )

(3)

النافـــوخ

فكـّـر تكون
دا العقل أصلا سر الوجود
ميزة وميزنا بها الموجود
.اللى أمره الحق انحصر بين كاف و نون
دا اللى ما يشغـّل نافوخه
. ضايع بين حماقة و بين جنون
(يتساوى ف كده مع أى نوع م النـَعم ..(1

.حالته البعيد ، أفضل من وجوده العدم
-------------------
(1) النعم (بفتح النون ) : البهائم