H1 N1
الواد اللى جنبى عطس ، الحقنا يا مستر
اجرى يا أبلة على الدكتور ، استر يا ربنا استر
اقفل يا مدير فصله، روّح يا ولد بيتكم
افتح يا عم المراكز للدروس منفعة جاتكم
لا كمامة نفعت أو صابونة أو ديتول
لا ردت الأذى و لا الحمى زى الوزارة ما بتقول
ح نلقاها من فرخة و الا من خنزير
بانفلونزا خبيثة منيلة ، دا شئ علينا كتير
و فلوسنا صرفناها ع المطهر و ع الكمامات
و نسمع : فلان " اتخنزر " و فلسع مات
و نقول - بلا فايدة - النضافة و التطهير
و بلاها أحضان دا الأمر جد خطير
اعطس فى منديلك ، و لا عمرها تجيلك
و اغسل إيديك ع الدوام فى نهارك و فى ليلك
تقول لنا الصحة اصحوا من الغفلة
و احنا بيننا و بين الحكومة ألف مليون قفلة
يا أخى المصرى حاسب على نفسك أو تقع فى مصيبة
و النتيجة يا أخى نهاية مرعبة و رهيبة
8 أكتوبر 2009
No comments:
Post a Comment