أ.ش

أ . ش

مؤمنين

يا اخوانـّـا إحنا موحدين

و الطيبون للطيبات و الطيبات للطيبين

قالها رب العالمين

آية ف كتابه المبين

عالم رحيم ، رحمن لطيف

:و عشان كده

قدّر شريف لقمر زمانها

.و أميرة للكابتن شريف

جمّـع و وفق و الذى

خلق الخلايق كلهم

و لا تلقوا حتى ف ألف ليلة

رقة و طعامة زيهم

إدعوا يصونهم ربهم

و القـَـّر يبعد عنـّـهم

و عيون حسودهم فيها عود

.دى الخفة طبع ف دمهم

شوفوا الحلاوة وْ نور أميرة

شوفوا الشهامة ف روح شريف

و مميزات روعة كتيرة

.و القلب حلو ابيض نظيف

نجمة تقول للبدر قوم امشى

دا اللى يبص لى أقتله بعينيا و برمشى

و شريف حواليها أسد و هصور

وشه بيضوى إيمان و تقوى و نور

.حواليهم فرشنا قلوبنا داير ما يدور

عيد ميلاد اتجمعت فيه كل الطيور

الكل شرّف : الصغيّر و الكبير

كروان ، بلابل ، عندليب

.نازلة تغنى للأميرة الحلوة و الكل حاضر لم يغيب

التورتة فيها م الشموع عشرين

و الفرحة بتلمع فى العينين

و الورد فرحان بيرقص

.بيهنى أجمل زهرتين

دى أميرة روحنا و قلبنا .. زهرة بنات العيلة

كيّـلنا ليها من قلوبنا .. كيلة ، و كيلة و ألف كيلة

و شريف يا مرمر فى العيون حطيه

يرضى عليكى ربنا ، طالما بترضيه

كونى لراجلك يا بنية السكن والحب و الآمال

.و صونيه تكونى مؤمنة ، زى النبى ما قال

قولوا معايا يا رب زيدهم

أنعم عليهم بالرضا و كل المحبة

ذرية صالحة و خد بإيدهم

.و الرزق يوسع حبة حبة

مصطفى د. سلام
21 أكتوبر 2008